Mayın 11-də baş verən güclü maqnit qasırğası elektrik şəbəkələrində, rabitə sistemlərində və peyklərdə yalnız kiçik fasilələrə səbəb olub.
"Unikal" xəbər verir ki, bu barədə Associated Press məlumat yayıb.
Mayın 11-i səhər saatlarında SpaceX-in Starlink peyk internet xidməti veb-saytı xidmətin keyfiyyətinin pisləşdiyini bildirib.
Şimal işıqlarının canlı bənövşəyi, yaşıl, sarı və çəhrayı çalarları Almaniya, İsveçrə, Çin, İngiltərə, İspaniya və digər ölkələrdə müşahidə olunub.
Qeyd edək ki, bəşər tarixində ən güclü maqnit qasırğası 1859-cu ildə baş verib.