Bakıda fəaliyyət göstərən 29 ictimai iaşə müəssisəsində ciddi nöqsanlar aşkarlanıb.
Xezerxeber.az-ın məlumatına görə, Qida Təhlükəsizliyi Agentliyinin mətbuat katibi İlkin Kərimov deyib ki, 12 ticarət və 17 ictimai iaşə müəssisəsində qida təhlükəsizliyi sahəsində texniki normativ hüquqi aktların tələblərinin pozulduğu məlum olub.
Bundan başqa, süd məhsullarının tələblərə uyğun etiketlənməməsi, vitrində yerləşdirilməməsi və xüsusi işarələrin qoyulmaması da qeydə alınıb.
Qurum sözçüsü qeyd edib ki, aşkar edilmiş nöqsanların aradan qaldırılması ilə bağlı məsul şəxslərə icrası məcburi göstərişlər verilib.
Xezerxeber.az mövzu ilə bağlı daha ətraflı videomaterialı təqdim edir.
