İsrail ordusu Rəfahda məhdud əməliyyatı davam etdirir.
Teleqraf.com TASS-a istinadən xəbər verir ki, bunu İsrail Müdafiə Qüvvələrinin (IDF) sözçüsü Daniel Hagari bildirib
"İsrail Rəfahdə HƏMAS-a qarşı dəqiq əməliyyatını davam etdirir".
Onun sözlərinə görə, İsrail ordusu əhalinin sıx məskunlaşdığı ərazilərə daxil olmadığı üçün əməliyyat “miqyas və diqqət baxımından məhdud olaraq qalır”.
O qeyd edib ki, Rəfahdə əməliyyat başlayandan bəri İsrail ordusu Fələstinin islamçı terror qruplaşması HƏMAS-ın onlarla nümayəndəsini öldürüb, yeraltı tunelləri bağlayıb və külli miqdarda silah-sursat ələ keçirib.
Müəllif: Pərvin Cəfərova