İlk F-16 qırıcıları iyun və ya iyul aylarında Ukraynaya təhvil veriləcək. Bu barədə “Reuters” Kiyevdəki hərbi mənbəyə istinadən məlumat yayıb.
Mənbə təyyarəni hansı ölkənin tədarük edəcəyini dəqiqləşdirməyib. Bundan əvvəl Danimarka, Hollandiya, Norveç və Belçika F-16-ları Kiyevə göndərməyə söz veriblər.
“Reuters” qeyd edir ki, Rusiya ordusunun Xarkov vilayətinə hücumu şəraitində F-16-ların tədarükü Ukrayna Hərbi Hava Qüvvələrinin “həyati” təkmilləşməsinə çevrilə bilər.
Mayın əvvəlində Ukrayna Silahlı Qüvvələrinin Hərbi Hava Qüvvələrinin spikeri İlya Yevlaş bildirib ki, bəzi ukraynalı pilotlar artıq F-16-nı idarə etmək üçün təlimləri başa vururlar.
Mayın 10-da Ukrayna Hərbi Hava Qüvvələrinin komandanı Nikolay Oleşçuk deyib ki, Çexiya Ukraynaya pilotların hazırlanması üçün ilk simulyatoru təhvil verib.
Ümumilikdə Ukraynanın 45-ə yaxın təyyarə alacağı gözlənilir.
