Bakı, 10 may, AZƏRTAC
Ölkəmizdə fəaliyyət göstərən dini konfessiyaların rəhbərləri mayın 10-da Fəxri xiyabanda xalqımızın Ümummilli Lideri Heydər Əliyevin xatirəsini anıblar.
Qafqaz Müsəlmanları İdarəsindən AZƏRTAC-a bildiriblər ki, Ulu Öndərin məzarı önünə gül dəstələri qoyulub, əziz xatirəsi ehtiramla yad edilib, ruhuna dualar oxunub, Uca Allahdan rəhmət dilənib.
Din xadimləri görkəmli oftalmoloq-alim, akademik Zərifə xanım Əliyevanın da məzarını ziyarət edib, ruhuna dualar oxuyublar.
