Yəhudi millətçiləri BMT-yə bağlı qurumun ətrafına od vurub - Quterreşdən etiraz gecikmədi

Yəhudi millətçiləri BM-nin Fələstində fəaliyyət göstərən UNRWA yardım təşkilatının qərargahı ətrafındakı ərazini yandırması böyük rezonas doğurub.

Mia.az xarici mətbuata istinadla xəbər verir ki, hadisəyə BMT Baş katibi Antonio Quterreş srət reaksiya verib.

O, işğal altındakı Şərqi Qüdsdə israilli ekstremistlərin BMT-nin Fələstinli Qaçqınlara Yardım və İşlər üzrə Təşkilatının (UNRWA) Yaxın Şərqdəki yeganə qərargahının ətrafını yandırmasını qətiyyətlə pisləyib: "Şərqi Qüdsdəki UNRWA qərargahına hücumu pisləyir və İsrail rəhbərliyindən olayla bağlı təcili araşdırma aparılmasını tələb edirəm. Bu hadisə qəbuledilməzdir və bu tip hadisələr bir daha təkrarlanmamalıdır".

UNRWA-nın baş komissarı Filip Lazzarini isə bildirib ki, israilli ekstremistlər Baş Qərargahın ətrafındakı ərazini iki dəfə yandırıb: "Həmin vaxtı UNRWA və digər BMT əməkdaşları da burada olublar. Xoşbəxtlikdən xəsarət alan olmayıb".

Tahir Şəlvəli

MİA.AZ