2024-cü ilin yanvar-aprelində Dövlət Sosial Müdafiə Fondunun (DSMF) gəlirləri 2 milyard 169 milyon manat olub ki, bu da proqnozla müqayisədə 2,2% və ya 47 milyon manat çoxdur.
Eyni zamanda hesabat dövründə Fondun gəlirləri tərkibində məcburi dövlət sosial sığorta daxilolmaları 1 milyard 811 milyon manat olub ki, bu da proqnoza nisbətən 10% və ya 157 milyon artım deməkdir.
4 ayda DSMF-nin xərcləri ötən ilin müvafiq dövrünə nisbətdə 13% və ya 267 milyon manat artaraq 2 milyard 271 milyon manat olub.
Ötən il Dövlət Sosial Müdafiə Fondunun (DSMF) gəlirləri və xərcləri Milli Məclisdə müzakirə olunaraq, gəlirlərinin 4 milyon manat artırılaraq 6 milyard 263 milyon 970 min manatdan 6 milyard 267 milyon 970 min manata, xərclərinin də müvafiq olaraq 4 milyon manat artırılaraq 6 milyard 263 milyon 970 min manatdan 6 milyard 267 milyon 970 min manata qaldırılması təklif edilib. Qanun layihəsi səsverməyə çıxarılaraq qəbul edilib.
Aygün
www.anews.az
