İsrailin baş naziri Benyamin Netanyahu bildirib ki, ABŞ dəstəyini geri çəkərsə, ölkənin təkbaşına mübarizə aparmaq üçün kifayət qədər gücü var.
Qeyd edək ki, Amerika lideri Co Bayden daha əvvəl bu barədə xəbərdarlıq etmişdi.
Mayın 8-də ABŞ-ın müdafiə naziri Lloyd Ostin İsrailə silah tədarükünün dayandırıldığını təsdiqləyib. O, aydınlaşdırıb ki, söhbət bir partiya hərbi yardımdan gedir. Bayden daha sonra deyib ki, əgər İsrail ordusu Qəzza zolağında hərbi əməliyyatı cənubundakı Rəfah şəhərinə qədər genişləndirsə, İsrailə hava bombaları və artilleriya mərmiləri tədarükünü dayandıracaq, - onun sözlərinə görə, bu hələ baş verməyib.
Netanyahu xalqa videomüraciətində İsrailin lazım gələrsə təkbaşına dayanıb dırnaqları ilə mübarizə aparacağını vurğulayıb.
Fələstinin HƏMAS hərəkatı daha sonra bildirib ki, İsrail vasitəçilərin Qəzzada atəşkəslə bağlı təklifini rədd edib.
Bundan əvvəl İsrailin hərbi kabineti HƏMAS-a təzyiq göstərmək üçün Rəfah əməliyyatının davam etdirilməsinə səs verib.
E.ŞİRİNOV
