Daha beş şirkətin səhmdarları bir araya gələcək

Daha beş şirkətin səhmdarlarının toplantısı olacaq.

Bu barədə İqtisadiyyat.az aşağıda qeyd olunan şirkətlərə istinadən xəbər verir.

İyunun 28-də saat 11.00-da "Lənkəran Sənaye Cihaz" ASC səhmdarlarının növbəti illik ümumi yığıncağı keçiriləcək.Yığıncaqda 2023-cü ilin yekunlarına dair idarə heyətinin hesabatı, təşkilati (idarə heyəti, müşahidə şurası və təftiş komissiyası sədrinin və üzvlərinin seçilməsi) və digər məsələlər müzakirə ediləcək.

İyunun 27-də saat 11.00-da "Bakı Avtonəqliyyat-2" ASC səhmdarlarının onlayn qaydada növbəti illik ümumi yığıncağı keçiriləcək. İclasın gündəliyinə ASC-nin 2023-cü il üçün maliyyə hesabatının təsdiq edilməsi, cəmiyyətin idarəetmə orqanlarının yeni tərkibinin seçilməsi və digər məsələlər daxil edilib.

İyunun 28-də saat 11.00-da "Bakı Avtonəqliyyat-2" ASC-nin səhmdarlarının növbəti illik ümumi yığıncağı keçiriləcək. Burada da 2023-cü ilin yekunlarına dair idarə heyətinin hesabatı və digər məsələlər müzakirə olunacaq.

İyunun 28-də saat 11.00-da "EF-QAZ" ASC-nin səhmdarlarının növbəti illik ümumi yığıncağında 2023-cü ilin yekunlarına dair idarə heyətinin hesabatı və digər məsələlər ətrafında fikir mübadiləri aparılacaq.

"Rabitə Tikinti" ASC-nin səhmdarlarının da növbəti illik ümumi yığıncağı iyunun 28-də saat 11.00-da keçiriləcək. İclasın gündəliyinə 2023-cü ilin yekunlarına dair idarə heyətinin hesabatı və digər məsələlər daxil edilib.