Rəisi: Xamenei bu fikri rədd etdi

Ölkənin raket və müdafiə imkanları ilə bağlı danışıqlar aparmayacağıq.

Axar.az "Tasnim"ə istinadən xəbər verir ki, bunu İran Prezidenti İbrahim Rəisi Qum şəhərində çıxışı zamanı deyib.

“Bəzi insanlar ölkənin müharibəyə cəlb oluna biləcəyi barədə xəbərdarlıq edir və bunun qarşısını almaq üçün İranın hərbi və raket imkanları ilə bağlı güzəştə getməli olduğunu deyirlər”, - Rəisi bildirib.

O əlavə edib ki, İranın dini lideri Əli Xamenei bu fikri rədd edib və vurğulayıb ki, ölkənin hərbi potensialı və güc komponentləri heç bir halda müzakirə mövzusu deyil.