Rusiya XİN üçtərəfli Bəyannaməni gündəmə gətirməsi regionda mövqeyini saxlamağa hesablanıb

Artıq Rusiya sülhməramlı qüvvələri də Qarabağı tərk edir. Bəyannamənin 9-ci bəndi isə, nəqliyyat əlaqələrinin xüsusilə, Zəngəzur dəhlizinin açılmasını özündə ehtiva edir. Bu yola Rusiyanın nəzarət etməsi qeyd edilib. Ermənistan tərəfi Hazırda Rusiyanın nəzarətinin əleyhinədir. Ümumiyyətlə, 10 noyabr Birgə Bəyannaməsi Qarabağ məsələsi ilə bağlı imzalanmışdı. Qarabağ məsələsi həll edildiyinə görə, Ermənistan da Rusiyanın Zəngəzur yolunda nəzarət etməsinin əleyhinə olduğu üçün üçtərəfli Bəyannamə qüvvədən düşmüş sayılır.

Rusiya XİN bəyanatının əsas hədəfi Rusiya, Azərbaycan və Ermənistan baş nazirlərinin müavinlərinin həmsədrlik etdiyi Üçtərəfli İşçi Qrupun fəaliyyətinin davam etməsində maraqlıdır. Artıq buna da əsas yoxdur. Çünki üçtərəfli işçi qrup üç il ərzində heç bir iş görə bilmədi. Bu işçi qrupu nəqliyyat və kommunikasiya əlaqələrinin açılması üçün danışıqlar aparırdı. Rusiya burada əsas nəqliyyat yoluna nəzarəti əlində saxlamağı çalışır. Ona görə də Rusiya XİN üçtərəfli Bəyannaməsini gündəmə gətirməsinin heç bir siyasi və hüquqi əsası yoxdur.

Məhəmməd Əsədullazadə

visiontv.az