London, 9 may, AZƏRTAC
Böyük Britaniyanın xarici işlər naziri Devid Kemeron bu gün Londonda Milli Kibertəhlükəsizlik Mərkəzində çıxış edəcək.
AZƏRTAC Britaniya Xarici İşlər Nazirliyinin mətbuat xidmətinə istinadla xəbər verir ki, nazir çıxışında NATO üzvlərini müdafiəyə daha çox pul xərcləməyə çağıracaq: “2014-cü ildə Uelsdə NATO sammiti zamanı müttəfiqlər ümumi daxili məhsulun ən azı iki faizini müdafiəyə ayırmaq vədi vermişdilər. Bundan sonra ÜDM-in 2,5 faizini müdafiəyə xərcləmək üçün sürətlə hərəkət etməliyik”,- deyə nazir çıxışında qeyd edəcək. O, həmçinin düşmənlərə qarşı daha sərt və daha iddialı olmağa çağıracaq.
Aytən Abbaslı
AZƏRTAC-ın xüsusi müxbiri
London
