"Bavariya"nın idman direktoru Maksimilian Eberl Çempionlar Liqasının yarımfinalının "Real"la cavab oyununda (1:2) hakimlərin işi barədə tənqidi fikirlər səsləndirib.
Offsideplus.az xəbər verir ki, bu barədə o, UEFA-ya açıqlama verib:
“Hamımız Almaniya finalını gözləyirdik. Polşalı hakimlərdən başqa hamı!”.
Xatırladaq ki, əlavə olunmuş vaxtın son dəqiqəsində (90+12) polşalı hakim Şimon Marçiniak Münhen təmsilçisinin müdafiəçisi Matyus de Lixtin qolunu ləğv edərək qalmaqallı qərar verib. Epizodun hələ tamamlanmamasına baxmayaraq, köməkçinin ofsayd işarəsi verməsindən dərhal sonra hakim fit çalıb.