Siyasət

"Təxribat və eskalasiya: nədən Litva Ukraynaya əsgər göndərmək niyyətindədir?" - "Financial Times"

moderator.az

23:49 08.05.2024

Smartbee
Şikayət et

"Əgər biz Rusiyanın münasibətini düşünsək, o zaman gərək bu ölkəyə ümumiyyətlə heç nə göndərməyək..."

"Rusiya Ukraynanın mülki infrastrukturuna zərbələri gücləndirməklə ukraynallları qaçmağa təhrik edir və onlar Qərbə axışacaq..."

Litva təlim missiyası ilə Ukraynaya əsgər göndərməyə hazırdır. Vilnüs anlayır ki, Moskva bu addımı təxribat kimi qiymətləndirəcək, lakin onun nüvə silahı tətbiq edəcəyinə inanmır.

Moderator.az xəbər verir ki, bu barədə Litvanın baş naziri İnqrida Şimonite bəyan edib. Məlumatı "Financial Times" nəşri yayıb.

1990-cı ildə Moskvadan müstəqilliyini elan edən Litva Ukraynaya hərbi dəstəyini gücləndirmək istəyir.

Fransa prezidenti Emmanuel Makron da avropalı hərbi qulluqçuların Ukraynaya göndərilməsini təklif edir, lakin digər ölkələr buna çox ehtiyatla yanaşır, anlayır ki, bu, Moskva ilə birbaşa toqquşmaya təhrik edə bilər.

İnqrida Şimonite nəşrə deyib ki, parlamentdən qoşunların Ukraynaya təlim missiyası ilə göndərilməsinə razılıq alıb, hərçənd, Kiyev bu barədə hələlik xahiş etməyib.

Şimonite etiraf edib ki, Rusiya bunu təxribat hesab edir, lakin qeyd edib: "Əgər biz Rusiyanın münasibətini düşünsək, o zaman gərək bu ölkəyə ümumiyyətlə heç nə göndərməyək. Biz ayda iki dəfə kimə necə nüvə zərbəsi endirmək barədə eşidirik".

Bu həftə Rusiya Makronun bəyanatlarına cavab olaraq taktiki nüvə silahı tətbiq etməklə hərbi təlimlər keçirib. Şimonite bu silahın tətbiq ediləcəyinə şübhə edir, çünki radioaktiv çöküntülər həm də Rusiya ərazisinə düşəcək.

"Küləklər zamanın çox hissəsini qərbdən şərqə doğru əsir", - o, soyuqqanlıqla qeyd edib.

Baş nazirin sözlərinə görə, Rusiya Ukraynanın elektrik stansiyaları, məktəblər və xəstəxanalar kimi mülki infrastrukturuna zərbələri gücləndirir.

"Rusiya insanların Ukraynadan yeni qaçışına təhrik etməyə cəhd göstərir, onlar elementar rahatlıq və əsas xidmətlərin olmaması səbəbindən Qərbə axışacaq".

Kiyevin canlı qüvvənin kəskin çatışmazlığı problemi var və orduya daha çox əsgər göndərməyə cəhd edir, bununla əlaqədar olaraq Şimonite Litvanın çağırış yaşında olan kişilərin Ukraynaya dönməsində kömək edəcəyi barədə məlumatların əhəmiyyətini azaltmağa çalışıb.

"Biz deportasiya təşkil etməyəcəyik, ukraynalıları ölkəmizdə axtarmayacağıq, çünki bu, qanunsuzdur", - o, deyib və əlavə edib ki, Avropa İttifaqı onlara 2025-ci ilin martınadək müdafiə olunmaq zəmanəti verib.

Bununla yanaşı Litvanın baş naziri bəyan edib ki, hərbi xidmətdən yayınanlar üçün daimi yaşayışdan imtina edilə bilər.

Onun sözlərinə görə, o, "Ukraynaya öz silahlı qüvvələrinin sıralarını doldurmaq və uzun müddət döyüşən insanlara istirahət vermək üçün bu ölkəyə kömək etməyə çalışır".

Müəllif: Laura Dübua

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən

136