Etirazların cərəyan etdiyi əsas mərkəz Kirants kəndidir. Bu kənddə ermənilərin tanınmış din xadimlərindən olan Tavuş yeparxiyasının radikal yepiskopu Baqrat Qalstanyanın fəallığı diqqət çəkir. O hətta İrəvana doğru yürüş də təşkil edir. Baqrat haqqında hakimiyyət nümayəndələri müxtəlif ifşaedici məlumatlar yayır, onu ələ salırlar. Məsələn, hakim "Mülki Müqavilə" partiyasının deputatı Qaqik Melkonyan keşişin Rusiya agenti olduğunu iddia edib.

İnqilabçı yepiskop agent çıxdı - Erməni keşişlər KQB-yə işləyirlər

Bu gün isə yepiskop bir sıra sərsəm fikirlər səsləndirib. Revanşist jurnalistlərdən biri "Artsax" (Separatçıların Qarabağa verdikləri qondarma ad-red.) səhifəsinin bağlanmaması üçün nə etmək lazımdır?" sualını verib.

Radikal yepiskop "əqidə və inamla mübarizə aparmalıyıq” deyib. O, hərbi və siyasi xadimlərin bəzi bəyanatlarına da toxunub: “Bu adamlar istədiklərini söyləyir, yalan danışır və öz yalanlarına inanmağa başlayırlar”.

Jurnalistlər keşişin başlatdığı hərəkatın növbəti planlarına dair suallar da veriblər. Tavuş yeparxiyasının rəhbəri “Bu, təbii şəkildə doğulan və təbii sonu olacaq bir hərəkatdir. Onun mərhələ-mərhələ həyata keçirilən konkret gündəliyi var. Sabah nə olacaq? Sabah mən sağ olmaya bilərəm. İndi sizinlə burada dayanmışam və yürüşün mənzil başına çatandan sonra danışarıq. Səbirli olun" deyib.

Qeyd edək ki, Azərbaycan və Ermənistan arasında dövlət sərhədinin delimitasiyası üzrə Komissiyanın, həmçinin iki ölkə arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşündə Qazaxın 4 kəndinin (Aşağı Əskipara, Xeyrımlı, Bağanıs Ayrım, Qızılhacılı) Azərbaycana qaytarılması barədə razılıq əldə edilib. Radikallar və revanşistlər bu qərara etiraz edirlər.

Tural Tağıyev
AzVision.az

• tags
• tags