ABŞ-nin Ermənistandakı səfiri Kristina Kuinn bu yaxınlarda İrəvan və Bakı arasında delimitasiya üçün əsas kimi Alma-Ata Bəyannaməsinin qəbul edilməsi ilə bağlı əldə edilmiş razılaşmanı alqışlayıb.
“Report” “Sputnik Ermənistan”a istinadən xəbər verir ki, bu barədə səfirliyin mətbuat xidməti məlumat yayıb.
“Səfir Kuinn geniş spektrli məsələləri, o cümlədən ABŞ-nin Ermənistanda demokratiyanın inkişafına, insan haqlarına və sülh prosesinə göstərdiyi yardımı müzakirə etmək üçün bu gün parlament müxalifətinin nümayəndələri ilə görüşüb”, - məlumatda deyilir.
