"Barselona" Joao Feliksin transferindən vaz keçə bilər.
Sportal.az "Marca"ya istinadən xəbər verir ki, Kataloniya klubunun rəhbərliyi futbolçunu birdəfəlik transfer etməkdə maraqlı deyil.
Buna səbəb isə maliyyə məsələsidir. Belə ki, "Barsa" rəhbərliyi portuqaliyalı üçün 70 milyon avro ödəmək fikrində deyil.
Amma Feliks özü "Barselona"da qalmaq niyyətindədir. Müqavilə ilə "Atletiko"ya (Madrid) məxsus olan 24 yaşlı forvard bu mövsüm La Liqada 7 qol vurub, 3 asist edib.
