Azərbaycanla sülh müqaviləsi noyabradək imzalana bilər

Ermənistanın baş naziri jurnalistlərlə söhbətində noyabra qədər Azərbaycanla sülh müqaviləsinin imzalanması ideyası ilə razı olduğunu bildirib.

Paşinyanın sözlərinə görə, bunun üçün danışıqlar zamanı razılaşdırılmış bütün prinsipləri sənəddə qeyd etmək lazımdır. Ermənistanın baş naziri də iki ölkənin xarici işlər nazirlərinin Almatıda keçiriləcək görüşündən sonra irəliləyişə ümid edir.

Xatırladaq ki, bundan əvvəl Azərbaycan prezidenti İlham Əliyev noyabra qədər Ermənistanla sülh sazişinin əldə olunmasını kifayət qədər real hesab etdiyini bildirib.