"Bavariya" ten Haqla danışıqlara başladı

"Mançester Yunayted"in çalışdırıcısı Erik ten Haq "Bavariya"da Tomas Tuxeli əvəz edə bilər.

90deqiqe.Az-ın  “TimesSportt”a istinadən məlumatına görə, Münhen klubu artıq Haqın nümayəndəsi ilə əlaqə saxlayıb. Hollandiyalı hazırkı işinə köklənib və kampaniyanın sonuna qədər danışıqlar aparmaq istəmir. Erik ten Haqın "Mançester Yunayted"lə müqaviləsi gələn ilin ortalarında başa çatır, lakin klub yayda mütəxəssislə ayrıla bilər.

Münhenlilərin hazırkı çalışdırıcısı mövsümün sonunda postunu tərk edəcəyi üçün klub rəhbərliyi fəal şəkildə onun varisini axtarır.  Əvvəllər "Bavariya"dan Julian Naqelsmann və Ralf Ranqnik imtina etmişdi.