Sumatra oranqutanı yaranın müalicəsi üçün otlardan istifadə edən ilk heyvan olub

Rakus adlı sumatra oranqutanı başqa bir fərdi ilə döyüşdükdən sonra yaranı müalicəvi xüsusiyyətlərə malik çeynənmiş üzüm yarpaqları ilə örtüb və beləliklə də onlardan istifadə edən ilk heyvan olub.

Aztibb.az “Scientific Reports” (SciRep) jurnalına istinadən xəbər verir ki, bu barədə Almaniyanın Maks Plank adına Heyvan Davranışı İnstitutu məlumat yayıb.

Elmi jurnalında dərc olunan araşdırmanın müəllifləri qeyd ediblər ki, onlar bu meymunların bu növ dərman bitkisini necə çeynədiklərini əvvəllər müşahidə ediblər, lakin heyvanlar tərəfindən kompres tətbiqini ilk dəfə müşahidə ediblər. Alimlər bildirdilər ki, bu, yaraların bioloji aktiv bitki maddəsi ilə müalicəsinin insan olmayan nümunədə qeydə alındığı ilk hadisədir. Meymunun şirəsini çıxarmaq üçün yarpaqları selektiv şəkildə çeynədiyi, sonra üzünün yarasına qoyduğu görülüb.

Alimlər əlavə ediblər ki, oranqutanlar təkcə özünü müalicə etmək bacarığına malik deyil, həm də gündəlik həyatda qoz-fındıq sındırmaq üçün alətlərdən də istifadə edirlər. Bununla belə, meymunun bitkinin müalicəvi xüsusiyyətləri haqqında bilikləri haradan əldə etdiyini hələ başa düşmək mümkün olmayıb.

“Bu, onun bəzi dərman bitkiləri ilə yaraları sağaltmaq üçün lazım olan bəzi zehni qabiliyyətlərə malik olduğunu göstərir. Amma biz onun nə dərəcədə başa düşdüyünü bilmirik”, - tədqiqatın baş müəllifi, doktor Karolin Şuppli bildirib.

Müəlliflərin fikrincə, bu iş geniş mənada yara baxımının təkamül mənşəyinə dair fikir verir.