ABŞ açıqladı: Türkiyənin İsrailə qarşı bu addımı...

Beynəlxalq Ədalət Məhkəməsində İsrailə qarşı qaldırılan iddiada Türkiyənin iştirakı Ankara-Vaşinqton əlaqələrinə təsir etməyəcək.

Bakıvaxtı.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.

“Bu məsələni fərqli şəkildə dəyərləndiririk. Bu vəziyyət dəyərli NATO müttəfiqimiz olan Türkiyə ilə əlaqələrimizə mənfi təsir edə bilməz”, - deyə o bildirib.

Qeyd edək ki, Ankara Beynəlxalq Ədalət Məhkəməsində CAR-ın İsrailə qarşı iddiasına qoşulmaq barədə rəsmi qərar verib.