“Borussiya” Roysla vidalaşır – Rəsmən açıqlandı

Dortmund “Borussiya”sı futbolçusu Marko Roysla müqaviləni yeniləməmək qərarına gəldiyini açıqlayıb.

Futbolinfo.az klubun rəsmi saytına istinadən xəbər verir ki, almaniyalı yarımmüdafiəçi cari mövsümün sonunda “Borussiya”nı tərk edəcək.

Marko Roys 2012-ci ilin yayından “Borussiya”da çıxış edir. O komanda ilə ümumilikdə 424 rəsmi oyun keçirib, 168 qol vurub və 128 məhsuldar ötürmə verib.

Bu ay Roysun 35 yaşı tamam olacaq.

“Borussiya” mayın 1-də Çempionlar Liqasının yarımfinal mərhələsinin ilk oyununda öz meydanında PSJ-ni məğlub edib (1:0).