“Füzuli” çempionluqdan əlini üzüb

“Real danışsaq, çempionluq mümkün görünmür. Amma 2-ci yeri tutmaq şansımız var. Üç oyunu qələbə ilə başa vursaq, 2-ci yeri tutub, 1-ci liqaya getmək şansımız olacaq. “Şahdağ Qusar”la oyun üçün Şamaxıya bir gün əvvəl getmişdik. Hazırlığımızda problem oldu. Meydana çıxdıq və rəqib fiziki cəhətdən bizdən üstün oynadı. Zədəlilərimiz və ağrıkəsici vurulan futbolçularımız var idi. Qapçımızın iki səhvindən qol yedik. İlk hissənin ortalarında 2:0 məğlub olurduq. Sonra futbolçularım yavaş-yavaş özünə gəldi. Fasiləyə 1:2 geridə yollandıq. İkinci yarıda dəyişikliklər etdik. Qol vurduq və hesabı bərabərləşdirdik. Sonra isə müdafiəyə çəkildik. Buna görə də “Şahdağ Qusar” bizə təzyiq göstərdi. İkinci yarının bitməsinə yaxın qapımızdan 3-cü topu keçirdilər. Sonra yenidən dəyişiklik etdik və hücumu gücləndirdik. Bunun da bəhrəsini gördük. 90+6-cı dəqiqədə 11 metrlik cərimə zərbəsindən qol vurduq. Qarşılaşma pis keçmədi. Əsas rəqiblərimizin biriylə oyunda 1 xal bizim üçün yaxşı nəticədi”.