Alister Çarlz: İnanıram ki, Bakı Forumunda aparılan müzakirələr dünyada sülhün təmin olunmasına töhfə verəcək

Bakı, 3 may, AZƏRTAC

Mən Cənubi Afrikanın Keyptaun şəhərindən gəmişəm. Ümumdünya Mədəniyyətlərarası Dialoq Forumu mənim kimi gənclər üçün yeni təcrübələri öyrənməyə imkan yaradır.

Bu fikirləri AZƏRTAC-a açıqlamasında Bakıda keçirilən “Sülh və qlobal təhlükəsizlik naminə dialoq” mövzusunda VI Ümumdünya Mədəniyyətlərarası Dialoq Forumunun iştirakçısı, “Oasis Place” qeyri-kommersiya təşkilatının üzvü Alister Çarlz söyləyib.

Forumda iştirak etməkdən məmnunluğunu ifadə edən qonaq bildirib: “İki gün ərzində baş tutan panellərdə uğurlu müzakirələr aparıldı. Ümid edirəm ki, bu müzakirələrin dünyada sülhün təmin edilməsində mühüm töhfəsi olacaq”.