ŞKTC Prezidenti Ersin Tatar: "Aİ-nin münasibətində zülm, təzyiq, ədalətsizlik və qanunsuzluq var"

Şimali Kipr Türk Cümhuriyyətinin (ŞKTC) Prezidenti Ersin Tatar Avropa İttifaqı (Aİ) Liderlər Zirvə toplantısının yekun bəyannaməsində Türkiyə və Kiprlə bağlı deyilənləri tənqid edərək: “Aİ-nin münasibətində tiranlıq, təzyiq, ədalətsizlik və qanunsuzluq var”, - deyib. Bizimyol.info xəbər verir ki, Tatar "AA"ya ŞKTC Prezident Aparatında cari məsələlərlə bağlı qiymətləndirmələr edib. Türkiyənin 1571-ci ildən Kiprdə olduğunu bildirən Tatar, heç kimin Türkiyəyə “Kıbrısdan çıx” deməyə haqqı olmadığını bildirib. Tatar Qərb ölkələrinin, xüsusilə də Birləşmiş Millətlər Təşkilatının (BMT) Kosovo, Tayvan və hətta Fələstin kimi bölgələrdə 2 dövlətli həll təklif etdiyini xatırladaraq, Kiprdə dinlər, mədəniyyətləri, tarixi, irqləri və dilləri fərqli olan iki xalqı zorla birləşdirməyə çalışmağın mənasız olduğunu vurğulayıb. BMT və Aİ-nın Kipr türklərinə qarşı embarqo tətbiq etdiyini və türklərin birləşmələri halında yox olacağı federasiya əsaslı bir sistem tətbiq etdiyini bildirən Tatar: "Bəzi oyunlar bizi onların tətbiq etdikləri həll yoluna məcbur etmək üçün oynanılır. Biz bu oyunlara qatılmayacayıq. Biz bütün dünyaya çatdırmağa davam edirik ki, öz dinamikası ilə ŞKTC Türkiyənin dəstəyi ilə xalqına gələcəkdə firavan, müstəqil, azad və ləyaqətli bir həyat təqdim edə bilər”, - deyib. Tatar Brüsseldə keçirilən Aİ Liderlər Zirvə toplantısında Türkiyə-Aİ əlaqələrinin müzakirə edildiyini və yekun bəyannamədə Türkiyədən Kipr məsələsində güzəştə getməsinin istəndiyini bildirib. Tatar eyni zamanda vurğulayıb ki, yekun bəyannamədə Türkiyə tərəfi Birləşmiş Millətlər Təşkilatının (BMT) parametrləri çərçivəsində Kipr yunanları ilə danışıqlara başlamaq məcburiyyətində qalıb: “Aİ-nin münasibətində tiranlıq, zülm, ədalətsizlik və qanunsuzluq var. Şəxsən mən buna dözə bilmirəm. Yunanıstan və müttəfiqlərinin məqsədi Kipri ​​Kritə çevirmək, Türkiyəni Şərqi Aralıq dənizindən çıxarmaq, Anadolunu mühasirəyə almağa çalışmaq və Kipr türk icmasını öz ölkəsində azlıq vəziyyətinə salmaqdır”, - deyib. Tatar, Cənubi Kipr Rum Administrasiyasının son günlər tez-tez səsləndirdiyi danışıqların bərpası çağırışlarına toxunaraq, Kipr yunanlarının danışıqlar prosesi üçün şərt kimi yalnız suveren və beynəlxalq bərabərlik statusunun təsdiqini şərt qoyduğunu və federasiya əsaslı yanaşmada israr etdiyini bildirib. Tatar, federasiyaya əsaslanan yanaşmada Kipr türklərinin Türkiyə ilə əlaqələrini itirəcəklərini və AB daxilində böyük çətinliklər yaşayacağını vurğulayıb: "Belə bir vəziyyət sonumuzun başlanğıcı olardı. Əgər Şimali Kipr ayrıca suveren dövlət olaraq müstəqillik və azadlıq yolu ilə getməsə, AB daxilində şikara çevriləcək və bizi çox pis günlər gözləyər. Belə bir tələyə düşməmək üçün Türkiyənin dəstəyi ilə çox işlər görməyə çalışırıq”, - deyə qeyd edib. Qadir, Bizimyol.info