"Ziraat Bank Azərbaycan"ın aktivləri 743 milyon manata çatıb

Müəllif: Gülnar Əhmədli, Banco.az

"Ziraat Bank Azərbaycan" müsbət artım dinamikasını 2024-cü ilin birinci rübü ərzində də davam etdirib. Belə ki, bank 2024-cü ilin yanvar-mart aylarında 4.4 milyon manat xalis mənfəət əldə edib. Bu isə illik müqayisədə 30.4% çoxdur.

Banco.az bankın maliyyə hesabatına istinadən xəbər verir ki, ötən ilin sonu ilə müqayisədə "Ziraat Bank Azərbaycan"ın aktivləri 106 milyon 249 min manat və ya 16.7% artaraq 743 mln. manata çatıb.

Hesabat dövründə bankın kredit portfeli də illik müqayisədə 50 milyon 862 min manat və ya 15.6% artaraq 377 milyon manatı ötüb. Bankın depozit portfeli isə 495 manatı ötüb ki, bu da ötən ilin birinci rübünün nəticələri ilə müqayisədə 26,3% və ya 103 milyon 116 min manat artımdır.