Putinin “paranoik qorxusu”... - “Onun qərarları qorxduğu hadisələri sürətləndirdi”

Vladimir Putin Qərbin Rusiyanın dünyada gücünü məhdudlaşdırmaq niyyətindən “paranoik qorxu” yaşayır ki, bu da onun hərbiyə rekord məbləğdə vəsait xərcləməsinə səbəb olub.

“AzPolitika” xarici KİV-ə istinadla xəbər verir ki, bunu ABŞ Milli Kəşfiyyatının direktoru Evril Heyns mayın 2-də ABŞ Konqresində keçirilən dinləmələr zamanı deyib.

Heyns qeyd edib ki, Putin vəziyyətdən yeganə çıxış yolunu güclü ordu yaratmaqda görür: “Putin Rusiyanın təhlükə altında olduğuna inanmaqda davam edir və daha böyük, daha yaxşı təchiz edilmiş ordunun bu mesajı Qərbə və yerli auditoriyaya çatdıracağını güman edir”.