Rusiya NATO-nu belə məhv etmək istəyir - General

Rusiya çətin ki, NATO üzvlərinə birbaşa hücum etsin, lakin hibrid hücumları, xüsusən də siqnallara və seçkilərə müdaxiləni davam etdirə bilər.

Axar.az xəbər verir ki, bu barədə Finlandiya Silahlı Qüvvələrinin yeni komandanı Yanne Yaakola deyib.

“NATO-ya hücum zamanı kollektiv özünümüdafiəni nəzərdə tutan 5-ci maddəsinin sınaqdan keçirilməsi həmişə mümkündür, lakin əgər biz düzgün tədbirlər görsək və birliyi qorusaq, hesab edirəm ki, hücum ehtimalı azdır”, - deyə Yaakola bildirib.

Generalın sözlərinə görə, Moskva Ukraynaya yay hücumuna hazırlığa görə çox məşğuldur, buna görə də NATO-ya hücum barədə düşünmür:

“Ruslar üçün əsas odur ki, Avropada mümkün qədər çox parçalanma yaransın və bizim birliyimiz bir az zəifləsin".