ABŞ-ın müstəqil senatoru Bernie Sanders bildirib ki, ABŞ-da universitetlərdə Fələstinə dəstək üçün keçirilən etiraz aksiyalarına deyil, İsrailin Qəzzada davam edən hücumlarına diqqət yetirilməlidir.
Turkustan.az xəbər verir ki, ABŞ-ın Nyu-York şəhərindəki Kolumbiya Universitetində Fələstinə dəstək nümayişləri digər universitetlərə də yayıldıqdan sonra Sanders mətbuata açıqlama verib.
ABŞ-da universitetlərdə nümayişlərin yatırılmasına reaksiya verən Sanders, “ABŞ-da universitetlərdə gördüyümüz zorakılıqlara deyil, (təxminən) 34 min fələstinlinin həlak olduğu Qəzzada görünməmiş zorakılığa diqqət yetirməyin vaxtıdır. 77 mindən çox yaralı var”.
Mətbuat mənsublarına universitetlərdən kameralarını götürüb Qəzzaya getmələri bildirilib.İsrailBaş nazir Binyamin Netanyahunun siyasətləri səbəbiylə qida çatışmazlığından ölən və ya arıqlamış uşaqları göstərdiklərini irəli sürən Sanders, "Bizə qollarını və ayaqlarını itirən uşaqları göstərin. Oradakı əzabları bizə göstərin" dedi.
Hər cür şiddəti qınadığını vurğulayan Sanders, "Ölkədə həm antisemitizmin, həm də İslamofobiyanın artdığını görürük. Hamımız bunu qınamalı və bunun qarşısını almağa çalışmalıyıq" dedi.
Sanders vurğuladı ki, Birləşmiş Ştatlarda “bütün fanatizm formaları” pislənilməli və aradan qaldırılmalıdır.Netanyahuvə hökumətin öz hərəkətlərinə görə məsuliyyət daşımasının antisemitizm olmadığına diqqət çəkib.
Eltac Zülfüqaroğlu/Turkustan.az
