“Neftçi” revanş arzusunda

Bu gün Azərbaycan Basketbol Liqasında pley-off mərhələsinin cavab matçlarına start veriləcək.

İdman.biz xəbər verir ki, ilk oyun günündə “Neftçi” və “Xırdalan” üz-üzə gələcək.

Birinci görüşdə uduzan “ağ-qaralar” revanş arzusundadır. “Xırdalan” isə ikinci oyunu da qazanmaqla yarımfinala vəsiqəni hədəfləyib.

Qeyd edək ki, "Xırdalan" - "Neftçi" cütünün qalibi yarımfinalda "Sabah"la, “Xəzri” - “Sərhədçi” görüşünün güclüsü isə NTD-İNDİQO ilə qüvvəsini sınayacaq.

Azərbaycan Basketbol Liqası
Pley-off mərhələsi
1/4 final
2 may
19:30. "Neftçi" – "Xırdalan"
"Sərhədçi" İdman Mərkəzi
İlk oyun: 75:80

İdman.biz