Depressiyadan qoruyan idman növü açıqlandı

Anglia Ruskin Universitetinin alimləri müəyyən ediblər ki, aşağı və orta intensivlikli məşq depressiya riskini güclü məşqdən daha effektiv şəkildə azaldır.
32gun.az bildirir ki, Tədqiqatın nəticələri Neuroscience and Biobehavioral Reviews (NBR) jurnalında dərc olunub .

Britaniya alimlərinin araşdırması fiziki aktivliyin depressiv pozğunluq, psixoz və şizofreniya xəstəliyinin şiddətinə təsiri haqqında əvvəllər nəşr olunmuş elmi işlərin meta-analizidir. Alimlər hansı fiziki fəaliyyət növlərinin (intensiv güc və aerobik məşq, bağçılıq, qolf, gəzinti, qaçış, yavaş-yavaş gəzinti) psixi sağlamlığın yaxşılaşdırılması üçün ən əlverişli olduğunu öyrənməyə çalışıblar.

Nəticələr göstərdi ki, aşağı və orta intensivlikli məşq (yüksək enerji sərfiyyatı, yüksək ürək dərəcəsi və ya tərləmə ilə bağlı olmayan) depressiya əlamətlərinin inkişafı və pisləşməsi riskini 23%, narahatlığı isə 26% azaldır. Bununla belə, yüksək intensivlikli məşq oxşar terapevtik və profilaktik təsir göstərməyib.

Orta və yüngül fiziki fəaliyyət psixoz və şizofreniya kimi ağır psixi pozğunluqların inkişaf ehtimalının 27% azalması ilə də əhəmiyyətli dərəcədə əlaqələndirilib.

Nilay