“Borussiya", yoxsa PSJ? - ÇL-də ikinci yarımfinal gecəsi

Çempionlar Liqasında yarımfinal mərhələsinin ilk görüşlərinə yekun vurulacaq.

Sportinfo.az xəbər verir ki, bu gün "Borussiya" (Dortmund) doğma meydanda Fransa təmsilçisi PSJ-ni sınağa çəkəcək.

Hər iki kollektiv 1/4 finalda İspaniya təmsilçilərini mübarizədən kənarlaşdırıb. Dortmund klubu "Atletiko"dan (Madrid), fransızlar isə "Barselona"dan güclü olub.

"Siqnal İduna Park"da keçiriləcək "Borussiya" - PSJ matçı saat 23:00 başlayacaq.

Yarımfinal mərhələsinin ilk matçında "Real" (Madrid) səfərdə "Bavariya" ilə heç-heçə edib - 2:2.

1 may

23:00. “Borussiya" (Dortmund, Almaniya) - PSJ (Fransa)
Baş hakim: Entoni Teylor (İngiltərə).
Dortmund, “Siqnal İduna Park” stadionu.