Ronaldo ilə Vinisiusu müqayisə etdi - hər ikisi...

İspaniyanın "Real" klubunun baş məşqçisi Karlo Ançelotti Kriştiano Ronaldo ilə Vinisiusu müqayisə edib.

Bakıvaxtı.az xəbər verir ki, italiyalı mütəxəssis bu barədə "Sportmediaset"ə danışıb.

"Kriştiano Ronaldo "Real"ın tarixinə düşüb. Vinisius isə hazırda tarix yazır. Hər ikisi böyük istedaddır, lakin fərqli oyunçulardır”, - deyə Ançelotti bildirib.

Qeyd edək ki, Vinisius bu mövsüm iştirak etdiyi 34 matçda 21 qola, 11 məhsuldar ötürməyə imza atıb. 39 yaşlı Ronaldo isə "Real"ın heyətində keçirdiyi 438 oyunda 450 qol və 131 məhsuldar ötürmə ilə yadda qalıb.