Azərbaycanda bankların əmanət portfeli üç ayda 263 mln. manatadək artıb

2024-cü ilin 1 aprel tarixinə Azərbaycan banklarının depozit portfeli 34 milyard 812,8 milyon manat təşkil edib.

• Azərbaycanda əmanət və depozitlərin dollarlaşma səviyyəsi 33,2%-dək azalıb

FED.az bu barədə Azərbaycan Mərkəzi Bankına istinadən xəbər verir.

Bu ötən ilin sonu ilə müqayisədə 262,7 milyon manat və ya 0,8% çoxdur.

Əmanətlərin 13 milyard 782,3 milyon manatı xarici valyutada formalaşıb. Bu göstərici də ötən ilin sonu ilə müqayisədə 504,2 milyon manat və ya 3,8% çoxdur.

Ümumilikdə banklardakı əmanətlərin 9 milyard 490,2 milyon manatl "Azərbaycan Beynəlxalq Bankı"ın, 6 milyard 959 milyon manatı "Paşa Bank"ın, 6 milyard 673,6 milyon manatı "Kapital Bank"ın, 2 milyard 226,7 milyon manatı "Xalq Bank"ın, 1 milyard 411,1 milyon manatı "Bank Respublika"nın, 1 milyard 173,4 milyon manatı isə "Unibank"ın payına düşüb.

Məlumat üçün qeyd edək ki, bu ilin yanvarın 1-nə banklardakı əmanət portfeli 34 milyon 550,1 milyon manat təşkil edib ki, onun da 13 milyard 278,1 milyon manatı xarici valyutada formalaşıb.