Robert Köçəryanın milyonları əlindən çıxır: Ermənistan prokurorluğu hərəkətə keçdi

Ermənistanın eks-prezidenti, erməni millətçiliyinin liderlərindən biri Robert Köçəryan qanunsuz yolla əldə etdiyi əmlakını tezliklə itirə bilər.

Söhbət Ermənistan Baş Prokurorluğunun milliləşdirilməsi ilə bağlı məhkəməyə sorğu göndərdiyi onlarla tikili və yüz milyonlarla dollardan gedir. Aydın olur ki, Köçəryanın və onun əlaltılarının qeyri-qanuni mülkiyyətlərinə keçmiş 25 daşınmaz əmlakı olub.

Bazar dəyəri 4 milyon dollar olan qiymətli kağızlar və beş avtomobil də müsadirə edilir. Prokurorlar Robert Köçəryanın həm Ermənistanda, həm də xaricdə fəaliyyət göstərən 16 müəssisənin rəhbərliyindən uzaqlaşdırılmasında israrlıdırlar. İstintaq həmçinin Köçəryanın fırıldaqlarında əli olmayan vətəndaşların hesablarında “Qarabağ klanı”nın liderinin 25 və 89 milyon dollar məbləğində qeyri-qanuni borc iddialarını aşkar edib.

Müstəntiqlər hesab edirlər ki, Köçəryanın pullarını hakimiyyətdən gizlətməsi də bununla bağlıdır. Oxşar aqibət Ermənistanın keçmiş ən böyük partiyası olan “Çiçəklənən Ermənistan”ın lideri Qaqik Sarukyanın da başına gətirilməlidir – sahibkar 79 bina və 42 avtomobilə, 40-a yaxın müəssisədə paya, 161 milyon dollarlıq borc iddiası hüququna, 41 milyon dollara, həmçinin kreditlərdə və cinayət yolu ilə əldə edilmiş əmlakın istismarından əldə edilən 220 milyon dollar qanunsuz sahiblik edib.

//Samir Qurbanov, Editor.az