Bayden Trampı məhv (siyasi səhnədə) edir

Məhkəmə davam edir, fiziki və mənəvi olaraq Tramp artıq dözmür, mətbuata şikayətlənir ki, məhkəmə zalında çox soyuqdur. Hər həftənin 4 günü, gündə 8 saat soyuq zalda, telefonsuz, sevimli kolasız(qabağına ancaq su qoyulur), hərəkətsiz oturmaq məcburiyyətindədir, zalda tez-tez yuxuya gedir. Ən azı 6 həftə belə davam edəcək.

Bayden dünən Ağ Evdə hər il keçirilən müxbirlərin şam yeməyində həm yumor, həm siyasi hücum taktikası baxımından çox ciddi çıxış edib. Ən vacib sitatları gətirək.

- Səmimi qarşıladığınız üçün sizə təşəkkür etmək istəyirəm, amma xahiş edirəm ki, səs-küy salmayasınız. Bizi Donald dinləyir. Yuxulu Don.

- Əlbəttə ki, seçki kampaniyası davam edir. Və bəli, yaş-problemdir. Bizim aramızda ortaq olan ancaq yaşdır. Amma məni heç olmasa vitse-prezidentim dəstəkləyir(Pens Trampı dəstəkləməkdən imtina edib, Bayden buna işarə edir).

- Son günlər ərzində Tramp fırtınalı havaya(stormy weather) düşüb.

Trampın Stormi(!) Deniels adlı porno ulduza qeyri-qanuni ödənişləri məhkəmə predmetidir. Bayden "fırtınalı"(Stormy) deyərək, Trampı lağa salır.

Və nəhayət. Bayden Trampın debata çağırışını qəbul edib.

Kamran Jəfərov

visiontv.az