Selfidən ölənlərin sayı açıqladı

Dünyada selfi çəkdirərkən həyatını itirən insanların sayı açıqlanıb. 

"Unikal" xarici KİV-ə istinadən xəbər verir ki, ölənlərin sayına görə Hindistan, ABŞ və Rusiya ilk 3-lükdə yer alıb.

Bildirilir ki, 2014-cü ildən 2023-cü ilə qədər 49 ölkədə 399 nəfər selfi çəkməyə çalışarkən həyatını itirib.

Bunlardan 190-ı Hindistandandır, indiyə qədər ən ölümcül selfi 2022-ci ilin iyulunda, Caipur yaxınlığındakı Amber Fort qülləsində selfi çəkən 11 nəfəri ildırım vurub.

Almaniyada selfi həvəskarları arasında məşhur olan ən təhlükəli yer Bavariyadakı Köniqsbax şəlaləsidir. 2019-cu ildə Saksoniyadan olan iki turist orada öldü, bundan sonra oraya giriş bağlanıb.

Qeyd edək ki,  “Selfie” anlayışı 2002-ci ildə Avstraliyada ortaya çıxıb.