Azarkeşlərin səbri tükəndi: “Qazandığınız pullar haramınız olsun” – VİDEO

Azərbaycan Premyer Liqasının 32-ci turunda “Qəbələ” doğma meydanda “Kəpəz”lə qarşılaşıb. Qarşılaşma qonaqların qələbəsi ilə başa çatıb – 1:0.

Bu nəticənin ardından “qırmızı-qaralar”ın Premyer Liqanı sonuncu bitirəcəyi dəqiqləşdi. Görüşün ardından isə Qəbələ şəhər stadionuna gələn yerli azarkeşlər futbolçulara sərt təpki göstərib.

Fanatlar “istəmirik sizi bu komandada, rədd olun, qazandığınız pullar haramınız olsun”  deyərək, oyunçuları fitə basıblar. 

Sonuncu qələbəsini ötən il dekabrında qazanan “Qəbələ” futbolçuları isə fanatların bu etirazına heç bir reaksiya verməyib