İsveçrə və Səudiyyə Ərəbistanının XİN başçıları Ukrayna ilə bağlı konfransı müzakirə ediblər

İsveçrənin xarici işlər naziri İqnazio Kassis və səudiyyəli həmkarı Feysəl bin Fərhan Əl Səud iyunda Bürgenştokda Ukraynada nizamlanmaya dair yüksək səviyyəli konfransa hazırlığı müzakirə ediblər.

APA xəbər verir ki, onların görüşü Ər-Riyadda (WEF) xüsusi sessiyası çərçivəsində baş tutub.

“Dünya İqtisadi Forumunun Ər-Riyadda keçirilən qlobal əməkdaşlıq, artım və enerji inkişafı üzrə xüsusi iclası çərçivəsində mən həmkarım Faisal bin Farhan Al Saud ilə görüşdüm. Biz ən vacib məsələləri müzakirə etdik və Ukraynada keçiriləcək sülh sammitindən danışdıq”, - İqnazio Kassis sosial şəbəkədə qeyd edib.