Müavininin həbsi Şoyquya böyük zərbə vurdu - FT

Rusiya müdafiə nazirinin müavini Timur İvanovun korrupsiya ittihamı ilə həbsi müdafiə naziri Sergey Şoyquya böyük zərbə vurur.

Axar.az xəbər verir ki, bu barədə “Faynenşl Tayms” məlumat yayıb.

Nəşrin məlumatına görə, Prezident Vladimir Putinin yenidən seçildikdən sonra yeni kabineti təqdim etməsi pərdəarxası hakimiyyət mübarizəsinə səbəb olacaq:

“Bu mübarizənin fonunda Şoyqunun komandası ilkin mərhələdə Rusiyanın Ukraynaya son hücumları və onun ən səs-küylü tənqidçisi və rəqibi olan Yevgeni Priqojinin ölümü ilə gücləndirilmiş kimi görünürdü. Lakin İvanovun həbsi, xüsusilə də nazir müavininin məhkəməyə gətirilmə tərzini nəzərə alsaq, Şoyqunun taleyində dəyişiklik oldu. Putin sədaqəti hər şeydən üstün tutduğuna görə, Şoyqu Ukraynaya genişmiqyaslı hücumun ilk həftələrindəki uğursuzluqlara və üç gün davam edəcək “xüsusi hərbi əməliyyatın” üçüncü ilinə keçməsinə baxmayaraq, öz vəzifəsində qalıb. Lakin Putin elitasındakı hər hansı fraksiyanın həddən artıq güc qazanacağından qorxduğu üçün Şoyqunun güc mərkəzi ilə Müdafiə Nazirliyi arasında tarazlıq yaratmaq məqsədilə yeni yol tapmalı olduğu qənaətinə gəlib”, - nəşr bildirib.