Cəmiyyət
43 pişiyi ac-susuz saxlayan şəxsi həbs ediblər
19:36 26.04.2024
- Smartbee
- Şikayət et
Sinqapurda 31 yaşlı kişi boş mənzildə 43 pişiyə baxımsızlıq etdiyi üçün 20 sutka həbs cəzasına məhkum edilib. Bu, ölkədə heyvanlara qarşı edilən ən böyük cinayət təqibi hesab olunur.
Reyting.az “Independent”ə istinadla bildirir ki, Məhəmməd Danial Sükirman heyvanlara “lazımsız ağrı və iztirab” verdiyini etiraf edib.
O, 2021-ci ilin avqustundan noyabr ayına qədər onlara yemək və su verməyib, diqqət yetirməyib.
Məhkəmə sənədlərinə görə, o, pişikləri nadir hallarda qidalandırdığını və onların rahatlığına məhəl qoymadığını etiraf edib. O, həmçinin pişiklərin qaldığı mühitin çirkli olduğunu və bunun həm pişiklər, həm də sağlamlıq riskləri yaratdığını deyib.
Prokurorların fikrincə, “bu, öz presedentini yaradan bir işdir”. Onlar qeyd ediblər ki, cərimə bu adam üçün “çox yumşaq” cəza olacaq. Buna görə də ona həbs cəzası tələb ediblər.
Məhkəmə sənədlərində Sükirmanın əməlindən peşman olduğu bildirilir, lakin hakim prokurorlarla razılaşıb.
İş ilk dəfə yerli hakimiyyət orqanlarının Sükirmanın mənzilindən xoşagəlməz qoxu gəlməsi ilə bağlı insanların xəbərlərinə reaksiya verdikdə üzə çıxıb. Bundan sonra mənzildə 30-dan çox pişik və skelet qalıqları tapılıb.
V. QULİYEV
Şərh ()