PSJ hücumçusunu satdı

"Ayntraxt" PSJ-dən icarəyə götürdüyü Uqo Ekitikeni birdəfəlik alıb.

QOL.az xəbər verir ki, bu barədə klubun saytı məlumat yayıb. 21 yaşlı fransızla 2029-cu ilin yayına kimi müqavilə imzalanıb.

Ekitike Almaniya klubuna keçən qış icarə əsasında qoşulmuşdu. O, "Ayntraxt"ın heyətində 12 oyun keçirib, 1 qol vurub və 1 qolun ötürməsini verib.

Qeyd edək ki, Ekitike 2021-2022-ci illərdə Fransanın U-20 millisində də çıxış edib.