“Əliyevin tələbləri bu şəkildə yerinə yetirilərsə, Ermənistanın 10 min kvadrat kilometri qalacaq”

“Paşinyanın “4 ərazi verməsək, müharibə olacaq” ifadəsi o deməkdir ki, Ermənistan Azərbaycanın hədəsi altında demarkasiya prosesini həyata keçirir”.

KONKRET.az xəbər verir ki, erməni kartoqraf Şahen Şahinyan bildirib.

“Delimitasiya və demarkasiya prosesi təbii ki, müsbət haldır, amma ən əsası o prinsipi bərqərar etmək lazımdır ki, ortada hədə olmasın.”

Kartoqrafın sözlərinə görə, Azərbaycan Ermənistana qarşı müharibəni həm hərbi əməliyyatlarla, həm də hibrid şəkildə davam etdirir, ona görə də beynəlxalq ictimaiyyətdən Azərbaycandan cavab tələb etmək lazımdır.

“Azərbaycan təkcə öz ərazisini artırmaq məqsədi daşımır. Hərbi nöqteyi-nəzərdən onların Ermənistandakı mövqelərini nəzərə alaraq bu ərazilərin Azərbaycana verilməsi bizim üçün ciddi təhlükəsizlik təhlükəsi yaradır. Azərbaycan çox yaxşı başa düşür ki, onun üçün Tavuşun yaxşı müdafiə olunan mövqelərinə hücum etmək çox çətin olacaq, ona görə də sərhəddə qoşunların yerləşdirilməsini tələb edir”, – deyə Şahinyan bildirib

“Azərbaycanlıların Ermənistanda məskunlaşması növbəti tələb olacaq. Nəticədə Azərbaycanın tələbləri yerinə yetirilərsə, Ermənistan 10 min kvadratkilometr əraziyə sahib olacaq”, – deyə kartoqraf fikrini yekunlaşdırıb.

Natiq Səlim,

KONKRET.az