Qanunsuz yollarla Türkiyəyə keçən 22 miqrant saxlanılıb

Türkiyənin Hatay şəhərində ölkəyə qeyri-qanuni yollarla daxil olan 22 xarici ölkə vətəndaşı yaxalanıb.

E-huquq.az "TRT Haber"ə istinadən xəbər verir ki, bu barədə Hatay Valiliyi məlumat yayıb.

Məlumata görə, polis Hatayın Belen rayonunda, Antakya-İskenderun avtomobil yolunda 4 şübhəli avtomobili saxlayıb.

Komandalar avtomobillərdə olan və ölkəyə qeyri-qanuni yollarla daxil olan 22 Suriya vətəndaşını yaxalayıb.

5 nəfər isə miqrant qaçaqmalçılığı iddiaları ilə saxlanılıb.

Saxlanılan şəxslərdən biri həbs edilib, digərləri isə şərti azadlığa buraxılıb.

22 xarici ölkə vətəndaşı deportasiya olunmaq üçün Miqrasiya İdarəsinə göndərilib.

Şəbnəm Mehdizadə