Sorğu: Rusların Putinə münasibəti - Hər 10 nəfərdən...

Hər on rusiyalıdan səkkizi Rusiya prezidenti Vladimir Putinin işini kifayət qədər yaxşı qiymətləndirir və respondentlərin 79%-i ona etibar edir.

Publika.az xəbər verir ki, müvafiq sorğunun nəticələri aprelin 26-da İctimai Rəy Fondu (FOM) tərəfindən dərc olunub. Belə ki, respondentlərin əksəriyyəti - 80%-i dövlət başçısının öz vəzifəsində daha yaxşı işlədiyini bildirib. Sorğunun nəticələrinə görə, tədqiqat iştirakçılarının 10%-i onun işini olduqca pis qiymətləndirib.

Güvənlə bağlı suala rusların 79%-i “daha ​​çox etibar” cavabını verib, 11%-i isə dövlət başçısına etibar etmədiyini bildirib.

Rusiya hökumətinin işi də qiymətləndirilib. Sorğuda iştirak edənlərin yarıdan çoxu – 55%-i Nazirlər Kabinetinin yaxşı işlədiyini bildirib. Sorğu iştirakçılarının 24%-i “kifayət qədər zəif işləyir” cavabını verib.

Xatırladaq ki, Vladimir Putinin andiçmə mərasimi mayın 7-də baş tutacaq.