Cənubi Koreyanın gəmiqayırma şirkəti ABŞ müdafiə bazarına daxil olur

Cənubi Koreyanın gəmiqayırma şirkəti HD Hyundai Heavy Industries (HHI) Amerikanın Philly Shipyard (Filadelfiya, Pensilvaniya ştatı) gəmiqayırma zavodu ilə anlaşma memorandumu imzalayıb.

Herbiand.az bildirir ki, bu barədə “Naval News” məlumat yayıb.

Saziş ABŞ Hərbi Dəniz Qüvvələrinin maraqlarına uyğun olaraq HHI-nin gəmi və gəmilərə texniki xidmət göstərilməsi və istehsalında iştirakını nəzərdə tutur.

Norveçin Aker istehsal qrupunun törəmə müəssisəsi olan Philly Shipyard 1997-ci ildə Filadelfiyadakı ABŞ Hərbi Dəniz Qüvvələrinin keçmiş gəmiqayırma zavodunda yaradılıb. 2003-cü ildən bəri şirkət Cons Qanununa əsasən Birləşmiş Ştatlarda iri ticarət gəmilərinin 50%-dən çoxunu inşa edir, hökumət və dəniz gəmilərinin tikintisi və texniki xidməti isə onun əsas işi olaraq qalır.

İmzalanmış müqaviləyə uyğun olaraq, Hyundai Heavy Industries şirkəti dəniz gəmilərinin istehsalı sahəsində biznesini genişləndirən Amerika şirkətinə gəmi konstruksiyaları və komponentləri tədarük edəcək.

Qeyd olunur ki, HHI 2005-ci ildən Philly Shipyard-ı layihə sənədləri və kommersiya gəmilərinin istehsalı üçün materiallarla təmin edir. Beləliklə, yeni saziş Cənubi Koreya şirkətini ABŞ Hərbi Dəniz Qüvvələri, Sahil Mühafizəsi və ABŞ Dəniz Administrasiyası ilə müqavilələrin həyata keçirilməsinə bağlayaraq bu əməkdaşlığı genişləndirəcək.

Bəxtiyar CƏFƏRLİ