"Maynts"ın stadionu yaxınlığında 500 kiloqramlıq bomba aşkarlandı

Almaniyanın "Maynts" klubunun stadionu "Meva Arena" yaxınlığında bomba aşkarlanıb.

QOL.az "Bild"ə istinadən xəbər verir ki, ərazidə tikinti işləri aparılarkən ABŞ ordusuna məxsus İkinci Dünya müharibəsindən qalma 500 kiloqramlıq partlamamış bomba tapılıb.

Mümkün xəsarətlərin qarşısını almaq üçün ərazidə yaşayan 4600-ə yaxın sakin təxliyə edilib.

Bu, "Maynst" stadionu yaxınlığında tapılan ilk bomba deyil. Aprelin 15-də ərazidə nisbətən kiçik bir bomba tapılıb və daha sonra zərərsizləşdirilib.