Ağdamda əmək yarmarkasında 200-dən çox vakansiya təklif olunur

Ağdam, 26 aprel, AZƏRTAC

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən növbəti əmək yarmarkası Ağdam rayonunun Quzanlı qəsəbəsində təşkil olunub.

AZƏRTAC-ın bölgə müxbiri xəbər verir ki, Olimpiya İdman Kompleksində keçirilən yarmarkada işsiz və işaxtaran şəxslərə 14 müəssisə tərəfindən müxtəlif istiqamətlər üzrə 200-dən çox vakansiya təqdim edilir.

Yarmarka iştirakçılarına Agentliyin icra etdiyi layihə və tədbirlər barədə də ətraflı məlumat verilir.