ÜmumBelarus Xalq Assambleyasında qəbul edilmiş Minskin yeni hərbi doktrinası NATO-nun genişlənməsinin qəbuledilməzliyini bəyan edir .
Publika.az xəbər verir ki, sənəd milli hüquqi internet portalında dərc olunub.
“Belarus Respublikası NATO-nun davam edən genişlənməsini və bu hərbi-siyasi bloka üzv olan və ya qoşulmaq istəyən dövlətlərin hərbiləşdirilməsini qəbul etmir, bunları hərbi münaqişələrin ehtimalını artıran təhlükəli proseslər kimi qiymətləndirir”, - doktrinada deyilir.
Eyni zamanda qeyd edilir ki, Minsk NATO ölkələri ilə praqmatik münasibətlərin və normal əməkdaşlığın bərpasının tərəfdarıdır.