“Rolan Qarros”da daha bir korta dam quraşdırıldı

“Rolan Qarros”un ikinci kortu olan “Süzen Laqren” açılıb-bağlanan damla təchiz edilib.

Konstruksiya 15 dəqiqəyə bağlana bilir. Dam örtüyü ağ rəngdədir.

Bundan başqa arenada diod işıqlar da quraşdırılıb. Onlar tennisçilərin meydançaya çıxdığı zaman bərq vuracaq. Bu il ilk dəfə olaraq təsnifatın ən vacib oyunları “Süzen Laqren”də oynanılacaq.

Xatırladaq ki, bu il “Rolan Qarros”da yenidən axşam sessiyaları olacaq. Onlar ¼ finala qədər davam edəcək. Bu sessiyaların bəzi oyunları da məhz “Süzen Laqren”də keçiriləcək.